陪月、養生食療資訊

嚟咗英國之後唔知點解會潮濕但係又會感覺好乾，可能係因為經常開暖氣，用熱水洗手，又會經常食pizza，Fish and chips，用焗爐煮嘢食都多咗，所以寶媽間中都會煲啲嘢飲，都推薦大家要帶個養生壺，就係呢啲原因啦！ 今日推薦大家煲呢個杞子薏米菊花茶，菊花茶可以清熱解毒亦都好容易煲，加埋杞子、薏米一齊煲，可加強明目去濕去水腫功效，但係呢款菊花茶屬性偏寒涼，脾胃虛者姐不宜飲過量！大人小朋友都可以適量飲用！ 如果想清潤一啲又怕寒涼嘅話，可以將菊花轉做雪梨乾或新鮮雪梨，將生薏米轉做熟薏米，或各半都得，咁就可以清潤去濕得黎又冇咁寒涼！ 

好多人話 坐月 係身體嚟一個大調整，坐月唔好對之後的身體後患無窮，脾虛、頭暈頭痛、筋骨關節痛，甚麼痛症出晒嚟好難斷尾。當然食嘢方面要謹慎之外，坐月沖涼亦要留意！ 因為產後皮膚同毛孔和骨縫都會擴張開，身體血氣兩虛， 如果就咁用水喉水沖涼就會容易受風寒入侵體內，加上唔小心吹風遇到冷氣就麻煩了！ 以及產後身體筋骨比較鬆弛，如風寒滯留於肌肉及關節中，氣血凝滯，就會很容易出現酸痛現象。 寶媽既足料坐月驅風沖涼包，蘊含十種中藥成份：紅花、薑皮、艾葉、桂枝、防風、吳茱萸、香茅、益母草、老薑片及桑葉。每包約100g，份量十足，可翻煲，足夠用黎沖涼洗頭。全面有效針對坐月媽媽的需求，可調節血液循環、抗菌抗炎止痛，散寒活血、發汗祛風。 產後媽媽就唔洗擔心因為沖涼而容易因身子虛弱受寒入侵，真係百利而無一害！

寶媽夏季湯水推介： 牛大力土伏苓赤小豆扁豆粉葛煲豬骨湯 牛大力有強筋活絡的功效，有助紓緩腰肌勞損、風濕性關節炎等症狀，適合久坐辦公室人士飲用。 此湯水有清熱、解毒、祛濕、舒緩濕疹、亦有通利關節、強筋骨的作用，尤其適合濕熱體質人士。 湯包材料：牛大力、土伏苓、赤小豆、扁豆、蜜棗。份量可供2-4人飲用！ 只需配以粉葛、紅蘿蔔及豬骨即可！（亦可加入果皮） 煲法： 所有材料洗淨，豬骨先汆水（去除異味、雜質及血水)，將所有材料放入煲內，加入約10-12飯碗(2-4人)清水，煲兩個半小時，最後放鹽調味即可。

每包210 g，份量足夠兩人食用。 材料：桑寄生、紅蓮子、桂圓肉、紅棗。 只需另外加入雞蛋及冰/紅/片糖即可。 桑寄生的功效非常多，不但能祛濕、養顏、補肝補腎、寧神安眠，更能調理月經、治療經痛及補血，桑寄生蓮子蛋茶不僅是女士們的恩物，連男女老幼孕婦都適合飲用！ 材料： 桑寄生 蓮子 雞蛋 4隻 紅棗 紅糖 適量 （冰/片糖亦可） 圓肉 做法 ： 1. 雞蛋放入滾水中烚約10分鐘，取出放入凍水內，待冷卻後剝殼備用； 2. 蓮子、紅棗（去核）和桂圓肉洗淨備用； 3. 桑寄生洗乾淨，然後放入魚袋中； 4. 煲內加入所有材料及約2公升，待大火滾起後調至細火煲45分鐘即可。 P.S.甜度可自行調配，孕媽媽不建議食用太甜喔！

在英國天氣轉偏涼，一落雨即刻跌到十零度，最適合打邊爐了，懷孕期間又或者想保健補身？ 今天就告訴大家一個新做法，用藥材當湯底，配合醃好的花雕雞，花雕的醇厚同雞件既鮮甜味結合，產生了奇妙的香味。驅寒又補身！食材屬溫性，有補氣益血作用，最適合秋冬天氣，虛寒體質人士食用有補身功效。 醉雞鍋湯包（可煮藥膳雞腳） 每包170 g，份量足夠2-4人食用。 材料：當歸、川芎、淮山、紅棗、圓肉、杞子、黨參及黃芪。 只需另外加入雞塊或雞腳及蔬菜配料即可。 藥膳雞腳： 1.雞腳解凍洗淨,用薑片飛水煮5分鐘備用； 2. 所有藥材洗淨待用； 3. 先用1500g清水煲滾,放入所有藥材料(杞子除外)大火煮滾後轉細火,半開蓋煮40分鐘待藥材出味； 4. 藥材煮好後加入雞湯（可不用），雞腳、杞子，落鹽調味再煮30分鐘,熄火焗30分鐘至雞腳淋身入味即可。 花雕醉雞鍋： 1. 煲一煲水（水量視乎火鍋需要），放醉雞藥材料及薑片（另可加入其他配料：紅蘿蔔，粟米等等），水煮滾后轉小火煲約40分鐘待藥材出味。 2.一隻全雞斬件，用少許鹽及紹興酒醃雞，紹興酒需浸過雞身約一半為足夠，醃約30分鍾。 3.藥材出味後，可加入少許糖及鹽調味； 4. 火鍋時才把雞件及醃雞的紹興酒全放入鍋裡，滾起即可食用。 ** 火鍋期間可再加花雕酒(因火鍋一直煲，酒香會蒸發了)。 **需注意 熱底忌藥膳火鍋　燥不受補便秘爆瘡