（因製作需時三個月以產，每次產量亦不多，黄酒存放越久越醇，請各位有需要的及早預訂！）寶媽是一個客家人，從小就經常有黃酒雞食，因為嫲嫲係釀黃酒高手，所以屋企經常有幾枝看門口 ，亦唔知係咪因為寶媽從小就經常食黃酒雞或飲黃酒（當然係小酌啦），所以寶媽養成一個唔怕凍嘅體質， 係英國生活寶媽覺得天氣好舒服， 所以寶媽都希望將嫲嫲呢門手藝繼續承傳落去，幫助更多產後媽媽或身體虛弱的少女女士們提供驅寒補身心客家黃酒。
客家黃酒活血祛寒，通經活絡在冬季，喝客家黃酒宜飲。在黃酒中加幾片薑片煮後飲用，既可活血祛寒，通經活絡，還能有效抵禦寒冷的刺激，預防感冒。
客家黃酒雞有行氣活血， 補氣強身嘅功效。可以補充養份恢復體力，因此亦都成為傳統坐月補身嘅佳品。除咗適合產後媽媽之外，都適合身體虛弱手腳冰冷嘅人服用。如果係哺乳的話，就建議需於進食後相隔3小時才哺乳，因為始終都係含有酒精，用量不能太多以免影響嬰幼兒。
客家黃酒煮雞（2人份量）
烹煮時間：20分鐘
材料
雞半隻
客家黃酒250毫升
熱水400毫升
薑50克
鹽半茶匙
紅棗數粒
（可於惡露排清後加入木耳絲同煮）
做法
1. 薑切薄片，放入鑊中用中火炒至表面乾身略焦黃。
2. 加入雞肉，炒至雞皮的出油，薑片沾上油潤光澤。
3. 轉小火，加入熱水和黃酒，再開中小火煮至滾起，不用加蓋，收中火煮10至15分鐘，試味，加鹽調味。
